Happy Deepawali – Tihar 2069
के हो ? तिहार पर्व ! Know more about Tihar (Deepawali) and bit of history!
तिहार नेपालीहरुको ज्यादै रमाइलो चाड हो । यो विशेष गरी साँस्कृतिक पर्व हो । पाँच दिन चल्ने यो चाडलाई यमपञ्चक पनि भनिन्छ । पौराणिक कथन अनुसार बहिनी यमुना र दाजु यमराजवीचको कथालाई तिहारले सम्झना गराउँदछ । यो चाडमा काग, कुकुर, गाई आदि पशुपक्षीको पूजाले मानिसको प्रकृतिप्रेम र मानवतालाई झल्काउँछ । यो सांगीतिक पर्व पनि हो । देउसी–भैलोले यसलाई जीवन्त राखेको छ । दिदीबहिनीको हातबाट दाजुभाइले टीका ग्रहण गर्ने तिहार नेपालीहरुको मौलिक पर्व हो । पारिवारिक आत्मीयतालाई जोड्ने यो साँस्कृतिक चाडको अनुपम उदाहरण हो । नेपाललाई चिनाउने नेपाली विशेषतायुक्त चाड तिहार हो । मखमली र सयपत्री फूलको मालाले सुशोभित गराउने चाड पनि हो । बोटबिरुवा र फूलको महिमा हुने पर्व पनि हो । अन्धकारलाई चिर्न दिपावली गरी उज्यालो प्रकाश छर्ने ज्योतिर्मय पर्व पनि हो । त्यसैले तिहारलाई दिपावली पनि भनिन्छ । झिलीमिली बत्तीले मनभित्रको अन्धकारलाई हटाइ सकारात्मक सोँचले अगाडि बढ्न यो पर्वले प्रेरणा जगाउँछ । दाजुभाइ र दिदीबहिनीवीचको पवित्र प्रेमलाई तिहारले अमर बनाएको छ । हिजो, आज र भोली पनि यो पर्वको महत्व थियो, छ र रहनेछ । किनकी मानवियतासँग यस पर्वको घनिष्ठ सम्बन्ध छ ।
खास गरी नेपालको सन्दर्भमा भन्दा नेवार जातिले तिहारलाई नयाँ वर्ष( न्हूँ दँया भिन्तुना )रुपमा मान्दछ । साँस्कृतिक उत्सवको रुपमा लिन्छ । आफूले आफैलाई पूजा ( म्ह पूजा ) गर्ने यो ज्यादै मौलिक चाड हो । मानिसको जीवन र व्यबहारसँग गाँसिएको विधि र विधानलाई प्रतिकात्मकरुपमा प्रस्तुत गराउने चाड पनि हो । सुस्वास्थ र दीर्घायुको शुभकामना आदान–प्रदान गर्ने चाड पनि हो । अर्को शव्दमा भन्दा मानिस, पशुपक्षी र प्रकृतिसँग गाँसिएको कल्याणकारी साँस्कृतिक पर्वको नाम तिहार हो । अन्त्यमा स्वदेश र विदेशमा रहेका सवै नेपालीहरु एवं विश्व समुदायमा शुभदिपावलीको हार्दिक मङ्गलमय शुभकामना ।
–अविरल आस्था
View nepali calendar 2069
Some Tihar sms messages
Ghar ma Laxmi ko baas hos,
Satruko naas hos,
Harek kamana fulfil hos,
beer ko barsat hos
Ani haatma 21 patti Taas hos.
TIHAR KO SHUBHAKAMANA khaas hos… . Read more…
